Time Importance/ ସମୟ ବଳବାନ

              ଆଜି ଯିଏ ରାଜା             କାଲି ପାଏ ସଜା
                              ସବୁ ସମୟର ଖେଳ,
              କେବେ ପୁଣି ଭାଗ୍ଯ          ଲଗାଏ ସେ ଦାଗ
                              ଦୁନିଆ ମରଣଶୀଳ ।
              ଅତି ମୂଲ୍ଯବାନ               ରୁହ ଯତ୍ନବାନ
                              ସମୟ ହାତରେ ଡୋରି,
              ଆଜିର ଶୁଦ୍ଧତା                ଉଚ୍ଚ ଗୁଣବତା
                              ପାଏ ନାହିଁ ଯୋଗ୍ଯ ବାରି ।
              ଅନ୍ତରର ହିଂସା               ଘୋଟାଏ ତମସା
                              ଭସ୍ମ କରେ ସେ ଜୀବନ,
             ଦ୍ବେଷ ହିଂସା ଇର୍ଷା            ଯେତକ ସମସ୍ଯା
                              ଦୂର କରିଦିଏ ମନ ।
             ଏମିତି ସମୟ                   ହୁଏ ବ୍ଯବସାୟ
                               ଶିକ୍ଷା ଧର୍ମ ଭକ୍ତି ସହ,
              ଅତି ନିଚ୍ଚ ଧ୍ଯାନ                 ଦେଖିଲେ ନୟନ
                               ଉଠିଯାଏ ସେ ଆଗ୍ରହ ।
              ନିଜ ଭବିଷ୍ୟତ                  ରଖି ନିଜ ହାତ
                                ଭବିଷ୍ଯ କର ଉଜ୍ଜ୍ବଳ,
              ନହେଲେ ନିଶ୍ଚିତ                ହୁଏ ପ୍ରାୟଶ୍ଚିତ
                                ଭସ୍ମ ହୁଏ ଯେ ସକଳ ।
                                      ୧୩▪
                                                 ମହେଶ୍ବର କବି      
You Tube:- Maheswar KABI Creations